കവിതകൾ പൂക്കും കാലം ....

കവിതകൾ പൂക്കും കാലം......

കവിതകൾ പലവിധമുണ്ടെങ്കിലും

കലഹിക്കുന്ന കവിതകളാണെനിക്കിഷ്ടം.

കവിത കാണുമ്പോൾ മുഖം ചുമപ്പിച്ച് '_

കുതിച്ചു വരുന്ന മനുഷ്യരുമുണ്ട്:

വളർത്തുമൃഗങ്ങളെപ്പോലെ

അനുസരണയോടെ

 ഇരിപ്പിടത്തിനരികിൽ ചുരുണ്ടുറങ്ങുന്ന കവിതകളുണ്ട്: '..

അലങ്കരിക്കപ്പെട്ട കവിതകളും

അടിയൊഴുക്കുള്ള കവിതകളുമുണ്ട്

കണ്ണിണയാൽ കരളു പകുക്കുന്ന കവിതകളുണ്ട്

കഴുമരത്തെ ഭയപ്പെടാത്ത കവിതകളുമുണ്ട്

എന്നാൽ ചില കവിതകൾ

പറക്കും തളികകളെപ്പോലെ ദുരൂഹത പടർത്തി

നമുക്കു ചുറ്റും പറന്നു കൊണ്ടേ യിരിക്കും .

എത്ര ചികഞ്ഞിട്ടും അർത്ഥം ഗ്രഹിക്കാനാകാതെ

നിരുപാധികം വിട്ടയക്കപ്പെട്ട കവിതകളുണ്ട്

കവിയുടെ പേരറി ''യുമ്പോൾ പേ പിടിച്ച്

കൊലവിളി നടത്തുന്ന മനുഷ്യരുമുണ്ട് എങ്കിലും

കാലത്തോട് കലഹിക്കുന്ന കവിതകൾ

തന്നെയാണെനിക്കിഷ്ടം ......